د افغانانو لپاره معلومات

موږ د ځینو افغان اتباعو لپاره یو ساده او منظم بهیر وړاندیز کوو چې د I-131 فورمې، د سفر اسنادو غوښتنلیک په کارولو سره، پرته له کوم لګښت څخه، د بیا پېرول او د کار جواز نوي کولو غوښتنه وکړي.

د یو شمېر افغانانو لپاره د بیا پېرول پروسه

د افغانانو لپاره د بیا پېرول په اړه په مکرر ډول پوښتل شوي پوښتنې

په متحده ایالاتو کې اشخاص کولای شي پرته له دې چې د دوې د هیواد، تابعیت یا د کډوالۍ اوسنی حالت په پام کې ونیول شي د پناهندګۍ غوښتنه وکړي. که تاسې د خپل نژاد، مذهب، ملیت، د یوې ځانګړې ټولنیزې ډلې غړیتوب یا سیاسي نظر له امله ځورول شوي یا په راتلونکي کې د ځورونې ویره لرئ، تاسې ممکن د پناه غوښتنې وړ واوسئ.

قانون له پناه غوښتونکو څخه غواړي چې متحده ایالاتو ته د دوی د وروستي ننوتلو څخه د ۱ کال دننه د پناهندگۍ غوښتنه وکړي، مګر دا چې دوی وښيي چې دوی د یو کال نیټې دننه د غوښتنلیک ورکولو څخه د استثنا لپاره وړ دي. تاسې د استثنا لپاره وړ یاست که تاسې وښایئ چې:

• بدل شوي شرایط چې په مادي توګه ستاسې د پناه غوښتنې وړتیا اغیزمنوي یا غیر معمولي شرایط چې په مستقیم ډول د دوسیې له ځنډ سره تړاو لري؛ او
• تاسې د دې شرایطو په پام کې نیولو سره په مناسب وخت کې خپله دوسیه ثبت کړې ده.

په عمومي ډول، د پناه غوښتنې غوښتنلیک تر ثبتولو مخکې، تر یوې مناسبې مودې پورې خپل قانوني حالت او یا پېرول ساتل د مقرراتو له مخې فوق العاده حالت ګڼل کېږي. که تاسې پداسې حال کې چې ستاسې پېرول لاهم اعتبار لري د پناه غوښتنه وکړئ، تاسې ممکن د ۱ کلن دوسیه کولو وروستۍ نیټې کې د فوق العاده استثنا مستحق واوسئ. (که تاسې د دې شرایطو څخه سرغړونه کوئ، ستاسې پېرول به نور معتبر نوي.) که تاسې د خپل پېرول له پای ته رسیدو وروسته د پناه غوښتنه کوئ، تاسې بیا هم کولی شئ د ۱ کلن پناه غوښتنې استثنا لپاره وړتیا ولرئ که چیرې تاسې د خپل پېرول له پای ته رسیدو وروسته په مناسب وخت کې غوښتنه وکړئ. د نورو معلوماتو لپاره، په یو کال کې د دوسیې ثبتولو ضرب الاجل درسي پلان  (PDF, 545.34 KB) وګورئ. د پناه غوښتنې په اړه د نورو معلوماتو لپاره، په متحده ایالاتو کې د پناه اخیستلو ویب پاڼه وګورئ.

د افغان پېرولیانو لپاره د پناه غوښتنې په اړه نور معلومات د افغان متحدینو د ښه راغلاست عملیات (OAW)، د پېرول له لارې د پناه غوښتنې اړوند په مکرر ډول پوښتل شوي پوښتنې وېبپاڼې کې موندلې شئ.

که ستاسې د پناه غوښتنې غوښتنلیک له USCIS ادارې کې د پروسس لاندې وي، تاسې کولای شئ د خپلې دوسیې حالت په آنلاین بڼه وګورئ. تاسې به د رسید هغې شمیرې ته اړتیا ولرئ چې د غوښتنلیک له سپارلو وروسته موږ درکړې ده. د پناه غوښتنې د ځنډیدلو غوښتنلیکونو په اړه د پوښتنو لپاره، تاسې یا ستاسې د سوابقو وکیل باید د قضیې په اړه د قضایي صلاحیت لرونکي دفتر سره اړیکه ونیسي. د پناه غوښتنې دفتر په اړه د معلوماتو موندلو لپاره، د USCIS د خدمتونو او د دفتر موقعیت موندونکي ته مراجعه وکړئ.

موږ د ځینو افغان غوښتونکو لخوا ثبت شوي مثبت د پناه غوښتنې غوښتنلیکونو پروسس ګړندي کوو. د حکومت د بودیجې غزولو او بیړني مرستې قانون  (PDF) لاندې، موږ د پناه غوښتنې هغو غوښتنلیکونو ته لومړیتوب ورکوو چې د ځینو مشخصو افغان اتباعو او اوسیدونکو لخوا ثبت شوي، یا هغوی چې هیڅ تابعیت نه لري او په وروستیو وختونو کې په افغانستان کې اوسیدل، لکه څنګه چې د دې قانون په (a)2502 برخه کې تعریف شوي (د نورو معلوماتو لپاره د افغان متحدینو د ښه راغلاست عملیات - د پناه غوښتنې غوښتنلیکونو ګړندۍ پروسه برخه وګورئ). د دې قانون تر (c)2502 مادې لاندې، موږ به د پناه غوښتنې لپاره لومړنۍ مرکه په ۴۵ ورځو کې دننه ترسره کړو او که چیرې کوم استثنایي شرایط موجود نه وي، موږ به د دوسیې له ثبتولو وروسته په ۱۵۰ ورځو کې وروستۍ پرېکړه بشپړه کړو.

د هغو غیر اتباعو لپاره چې د حکومت د بودیجې غزولو او بیړني مرستې قانون  (PDF) لاندې نه دي پوښل شوي، موږ به د پناه غوښتنې هغو مثبتو غوښتنلیکونو ته لومړیتوب ورکړو چې د عمومي مثبتې پناه غوښتنې مرکې مهالویش ویب پاڼې کې د ښودل شوو معیارونو سره سمون لري. د پناه غوښتنې دفتر مدیران ممکن د قضیې په اساس، د پناه غوښتنې مرکې لپاره بیړنۍ غوښتنه په پام کې ونیسي، چې هغه حالتونه هم په کې شامل دي چې ستاسې د کورنۍ نږدې غړی د ادعا شوي خطر په هیواد کې د زیان له خطر سره مخ وي. مهرباني وکړئ د مرکې د مهال ویش په اړه هر ډول بیړنۍ غوښتنې په لیکلي ډول د پناه غوښتنې دفتر ته چې ستاسې د قضیې په اړه د قضایي صلاحیت لرونکي وي، وسپارئ. د پناه غوښتنې دفتر په اړه د معلوماتو موندلو لپاره، د USCIS د خدمتونو او د دفتر موقعیت موندونکي ته مراجعه وکړئ.

د افغان متحدینو د ښه راغلاست عملیات - د پناه غوښتنې غوښتنلیکونو لپاره ګړندۍ پروسه

کله چې تاسې د I-589 فورمه، د پناه غوښتنې او د اخراج څخه د مخنیوي لپاره غوښتنلیک، ډکوئ او تاسې په لاندې ۱ او ۲ کټګوریو کې شامیلیږئ، تاسې باید لاندې لارښوونې تعقیب کړئ ترڅو د حکومت د بودیجې غزولو او بیړني مرستې قانون  (PDF) د (c)2502 برخې لاندې ستاسې د I-589 فورمې ګړندۍ پروسس ډاډمن شي:

• ۱ کټګوري

• تاسې د افغانستان اوسیدونکې یاست یا یې تابعیت لرئ، یا تاسې هیڅ تابعیت نه لرئ او په وروستي وخت کې مو په افغانستان کې ژوند کاوه؛
• تاسې د جولای د ۳۰، ۲۰۲۱ او د ۲۰۲۲ کال د سپتمبر تر ۳۰مې پورې په متحده ایالاتو کې پېرول شوي یاست؛ او
• ستاسې پېرول نه دی لغوه شوی.

• ۲ کټګوري

• تاسې د افغانستان اوسیدونکې یاست یا یې تابعیت لرئ، یا تاسې هیڅ تابعیت نه لرئ او په وروستي وخت کې مو په افغانستان کې ژوند کاوه؛
• تاسې د ۲۰۲۲ کال د سپتمبر له ۳۰مې نېټې وروسته متحده ایالاتو ته پېرول شوي یاست؛ او
  • تاسې د یو فرد زوج/زوجه یا ماشوم یاست چې پورته ۱ کټګورۍ کې ذکر شوي، یا
  • تاسې د یو فرد مور یا پلار یا قانوني سرپرست یاست چې پورته ۱ کټګورۍ کې ذکر شوي او د 6 U.S.C. (2)279(g) لاندې د یو بې سرپرسته ماشوم په توګه تعریف شوی وي؛ او
• ستاسې پېرول نه دی لغوه شوی.

د ګړندي پروسس لپاره لارښوونې

کله چې تاسې خپله I-589 فورمه ډکوئ، مهرباني وکړئ لاندې اضافي ګامونه بشپړ کړئ:

• که تاسې د I-589 فورمه سپارئ، نو پر دوسیه باندې، د I-589 فورمې، د پناه غوښتنې او د اخراج څخه د مخنیوي لپاره غوښتنلیک، په ویب پاڼه کې د "چیرته فایل کړم" یا "ځانګړو لارښوونو" برخې کې د یادو شوو لارښوونو سره سمه پته ولیکئ؛
• د دوسیې پر پوښ باندې یو ځای کې "Attn: OAW" په نښه کړئ؛
• د I-589 فورمې په ۱ پاڼه،  A.I. برخه، پوښتنه  .19.c، خپل اوسنی حالت او وروسته د حالت په برخه کې "(پېرول)" ولیکئ. د بېلګې په توګه، که تاسې متحده ایالاتو ته د "OAR" حالت سره داخل شوي یاست، تاسې به د حالت په ساحه کې "OAR (Parole)" ولیکئ؛ او
• د I-589 فورمې ۱ برخه، .19c پوښتنه، د نیټې په ساحه کې د ننوتلو وروستۍ نیټه شامل کړئ.

که تاسې خپله I-589 فورمه په سمه توګه ډکه کړئ او موږ تشخیص کړو چې تاسې د پورتنۍ ۱ یا ۲ کټګورۍ د وړتیا معیارونه پوره کوئ، نو موږ به ستاسې د I-589 فورمه د حکومت د بودیجې غزولو او بیړني مرستې قانون (PDF) د (c)2502 برخې لاندې د ګړندي پروسس کولو لپاره وسپارو.

د متحدینو د ښه راغلاست پروګرام (OAW) د پناه غوښتونکو لپاره په نوبتي ډول (Circuit-Ride) مرکې ځایونه

که تاسې د OAW برنامې غوښتونکی یاست، ستاسې د پناهندګۍ مرکه ممکن د USCIS په ساحوي دفتر کې ترسره شي. دا چارټ هغه ځایونه لیست کوي چیرې چې د OAW پناه غوښتونکي چې د حکومت د بودیجې غزولو او بیړني مرستې قانون (PDF)(c)2502 برخې لاندې د ګړندي پروسس کولو وړ دي ممکن خپل د پناه غوښتنې مرکې د هغوی استوګنځای پراساس ترسره کړي.

مهرباني وکړئ په یاد ولرئ چې د مرکې ځای ممکن بدل شي. ستاسې د مرکې دقیق ځای ستاسې د مرکې په خبرتیا کې په ګوته شوی دی.

که څه هم د USCIS ساحوي دفترونه، چې په چارټ کې لیست شوي، د پناه غوښتنې مرکې مخې ته وړي، د ساحوي دفتر کارمندان نشي کولی د پناه غوښتنې مرکې تنظیم کړي یا د پناه غوښتنې د وضعیت په اړه معلومات ورکړي. که تاسې د خپلې پناه غوښتنې مرکې په اړه کومه پوښتنه لرئ، د پناه غوښتنې دفتر سره اړیکه ونیسئ چې ستاسې د قضیې واک لري. ستاسې د پناه غوښتنې دفتر موندلو لپاره، د پناه غوښتنې دفتر موقعیت موندونکی وکاروئ.

د افغان اتباعو لپاره، د رواني روغتیا او عاطفي ملاتړ سرچینې د کډوالو د بیا میشتیدنې دفتر په ویب پاڼه کې د افغانانو د رواني روغتیا ملاتړ تر سرلیک لاندې شتون لري.

هغه افغانان چې په متحده ایالاتو کې دننه او بهر ژوند کوئ او د متحده ایالاتو دولت له‌ لوري/لپاره ګمارل شوي وي، د ګرين کارت ترلاسه کولو لپاره لومړی باید د I-360 فورمه، د امریشین کوڼډې/کونډ، د ځانګړې کډوالۍ د ډلبندي غوښتنليک لپاره د USCIS ادارې ته مراجعه وکړئ او یا د افغان ځانګړي کډوال ويزې (SIV) د غوښتونکي لپاره د ځانګړې کډوال د ډلبندۍ غوښتنليک لپاره د متحده ایالاتو د بهرنيو چارو وزارت (DOS) د DS-157 فورمه ډکه کړئ.

هغه افغانان چې د ځانګړې کډوالۍ ويزې (SIV) غوښتنليک بهير يې د ۲۰۲۲ کال تر جولای ۲۰ نېټې يا وروسته له هغه پيل کړی وي، ښايي د ځانګړي کډوالۍ ويزو د ډلبندۍ لپاره له غوښتنليک سره د DS-157 فورمه په ډکولو او د ماموريت رئيس (COM) له تأييد سره د متحده ایالاتو د بهرنيو چارو وزارت سره ځانګړی کډوال په توګه ومنل شي. د لازياتو معلوماتو لپاره د بهرنيو چارو وزرات د ويب پاڼې لارښوونو هغو افغانانو لپاره د ځانګړې کډوالۍ ويزې چې د متحده ایالاتو له‌ لوري يا لپاره ګمارل شوي وي ته مراجعه وکړئ.

د هغو افغان اتباعو يوه برخه چې له مخکې يې د ځانکړې کډوالۍ ويزې (SIV) لپاره د غوښتنليک بهير پيل کړی او د ۲۰۲۲ کال د جولای تر ۲۰مې پورې يې د ماموريت د رئيس تأييد ترلاسه کړي وي، بايد د خپل ځان لخوا د I-360 فورمه د USCIS ادارې ته واستوي، مګر په لاندې استثنا: که چېرې د ماموريت رئيس د تأييدي مکتوب دا ښيي چې ستاسې DS-157 استول شوی فورمه لاسليک او له غوښتليک سره د ماموريت رئيس له‌خوا تأييد شوی او تاسې د (4)INA 203(b) پر بنسټ د يو ځانګړي کډوال په توګه ډلبندي شوي ياست، د I-360 فورمې استولو ته اړتيا نه‌ لرئ.

څه وخت باید د I-360 فورمه د USCIS ادارې سره ثبت کړئ

افغان اتباع چې مخکې يې د ځانګړې کډوالۍ ويزو (SIV) غوښتنليک بهير پيل کړی او د ۲۰۲۲ کال د جولای تر ۲۰مې پورې يا له هغه مخکې يې د ماموريت رئيس تأييد ترلاسه کړی وي، باید د ځان لپاره د I-360 فورمه د USCIS ادارې ته واستوي. هغه کسان چې غوښتنليک يې د ۲۰۲۲ کال تر ۲۰مې پورې د متحده ایالاتو د ماموريت رئيس لخوا د انتظار په حالت کې وي، په مهربانۍ سره دې لاندې جدول ته مراجعه وکړي.

د لازياتو معلوماتو لپاره زموږ I-360 فورمې پانې ته مراجعه وکړئ

که چېرې له متحده ایالاتو څخه بهر ژوند کوئ

که چېرې ستاسې I-360 فورمه تأييد کړو، ښايي تأييد شوی غوښتنليک مو د ځانګړې کډوالۍ ويزې (SIV) د کنوسلي پړاوو بشپړولو لپاره د بهرنیو چارو وزارت ته استوو. له هېواد څخه بهر د ځانګړې کډوالۍ ويزې (SIV) په اړه د لازياتو معلوماتو لپاره کنسولي پړاوونو بشپړولو سايټ ته مراجعه وکړئ.

که چېرې په متحده ایالاتو کې دننه ژوند کوئ

که چېرې موږ ستاسې I-360 فورمه یا د متحده ايالاتو د بهرنيو چارو وزارت (DOS) ستاسې DS-157 فورمه تأييد کړي، خو تاسې متحده ایالاتو ته په دغې ځانکړې کډوالۍ ويزې (SIV) سره دننه شوي نه‌ياست، د ګرين کارټ ترلاسه کولو لپاره د I-485 فورمه، د دایمي اقامې ثبت یا د وضعیت تنظیم غوښتنلیک وړاندې کړئ.

د وضعیت سمون لپاره وړتیا

تاسې ممکن د وضعیت د سمون لپاره وړ یاست که:

• تاسې په متحده ایالاتو کې ارزونې څخه وروسته داخل شوي یاست یا د پېرول له لارې منل شوي یاست؛
• په فزيکي بڼه په متحده ایالاتو کې شتون لرئ؛
• د ځانګړې کډوالۍ ويزو ترلاسه کولو مستحق ياستئ ځکه چې د I-360 فورمه یا د DS-157 فورمه مو تأييد شوی دی؛
• د ثبت پر مهال ځانګړې کډوالۍ ويزه شمېره له ځنډ پرته تاسې ته درکول کېږي (دا هغه مهال کېږي چې ستاسې د کډوالۍ کټګورۍ لپاره د لومړيتوب نېټه په جريان کې وي. د لازياتو معلوماتو لپاره د لومړيتوب نېټې سره د ويزی لاسرسی او د بهرنيو چارو وزارت د ويزو بولټن) ته مراجعه وکړئ؛ او
• تاسې په متحده ایالاتو کې د قانوني دایمي استوګنې لپاره د قبلېدو وړ یاست یا د نه قبلېدو معافیت یا نورو  اسانتیاوو لپاره وړ یاست.

که چېرې د يو پناه غوښتونکي په توګه متحده ایالاتو ته دننه شوي ياست، نه‌شئ کولای د هغه افغان په توګه خپل وضعيت تنظيم کړئ چې د متحده ایالاتو دولت له‌لورې/لپاره په دنده ګمارل شوي. او بايد د پناه غوښتونکي په توګه غوښتنليک وړاندې کړئ. د لازياتو معلوماتو لپاره زموږ د پناه غوښتونکو لپاره ګرين کارټ پاڼه وګورئ.

که چېرې په افغانستان کې د بشردوستانه ناورين له امله د يو افغان تبعه يا د کورنۍ غړی (له ۲۱ کلنۍ ټېټ مجرد ماشوم يا د میرمن/میړه) په توګه متحده ایالاتو کې پېرول ترلاسه کولو وروسته د ګرين کارټ لپاره غوښتنليک وړاندې کوئ او د USCIS ادارې قبول شوی I-360 فورمه او یا د متحده ایالاتو د بهرنيو چارو وزارت د DS-157 تأييد شوي فورمه لرئ د I-485 فورمه، دائمي اقامت ثبتول یا د وضعيت تنظیم غوښتنليک استولو لپاره لاندې لارښوونې تعقيب کړئ.

د I-485 فورمې تشکيلولو لپاره بايد په فزيکي بڼه په متحده ایالاتو کې واوسئ او په خپل فورمه کې د متحده ایالاتو کې خپله پته وړاندې کړئ.

لارښوونې:

• د کورنۍ هر هغه غړي لپاره چې د وضعيت تنظيم په موخه غوښتنليک وړاندې کوي، بايد جلا جلا I-485 فورمې بشپړ کړئ.
• د غوښتنليک ډول: په 1.c برخه کې دويمه شمېرې کې، "د افغانستان يا عراق ځانګړي اتباعو لپاره I-360 فورمه یا DS-157" فورمه غوره کړئ. د ۲مې برخې ۳مه شمېره د کډوالۍ غوښتنليک I-360 فورمه، او  DS-157 فورمه د ماموريت رئيس په تأييدي مکتوب کې د دوسيې شمېره يا د کډوالۍ غوښتنليک I-360 دننه کړئ. د خپل I-360 فورمې د رسيد شمېره په خپله تأييدي اعلاميه (I-797 فورمې) کې موندلی شئ.
• په I-360 فورمې کې د تأييدې اعلاميې يوه کاپي او د ماموريت د رئيس تأييدي مکتوب چې ستاسې د DS-157 فورمې تأييدي ښيي، دننه کړئ.
• خپل I-485 فورمې د 6.a برخې په ۱۰مه برخه کې لاسليک وکړئ. که چېرې ستاسې I-485 فورم لاسلیک ونه لري، د USCIS اداره نشي کولی هغه ومني.
• د ثبت ځای: تاسې بايد خپل غوښتنلیک يوازې په لاندې پته د USCIS په فينیکس دفتر کې ثبت کړئ. موږ د متحده ایالاتو فیدیکس FedEx، یو پی ایس  UPS، و دی ایچ ایل DHL پوستي استونې خدمات منو.

USCIS
Attn: AFGHAN NFB (Box 21281)
2108 E. Elliot Rd.
Tempe, AZ 85284-1806

• د خپلې کورنۍ لپاره ټول I-485 فورمې په يو پاکټ کې واچوئ.
• که غواړئ هغه مهال چې د USCIS اداره ستاسې غوښتنليک مني، الکترونيکي اطلاعیه ترلاسه کړئ د G-1145 فورمه، د غوښتنليک/منلو الکټرونيکي اطلاعيې غوښتنليک بشپړ کړئ.

د فيس په اړه معلومات: د ۲۰۲۴ کال د سپتمبر تر ۳۰مې، د افغان ځانګړي کډوالو لپاره د هر ډول اړین بایومټریک خدماتو لپاره، د I-601 فورمه، د نه قبلېدو دلیلونو معافیت غوښتنلیک او یا خپل حالت تنظیم کولو لپاره د I-485 فورمې ډکولو لپاره هیڅ کوم لګښت نشته.

د ۲۰۰۹ کال د افغانستان د متحدینو د ساتنې قانون، (b)602 برخه، لکه څنګه چې تعدیل شوی، د هغو افغانانو لپاره د کډوالۍ ځانګړې کټګورۍ رامینځته کړې چې په افغانستان کې د ۲۰۰۱ کال د اکتوبر له ۷ څخه د ۲۰۲۳ کال د دسمبر تر ۳۱ نیټې پورې، لږ تر لږه ۱ کال لپاره د متحده ایالاتو د حکومت، نړیوال امنیت مرستندویه ځواک (ISAF) لخوا یا د دې لپاره د کوم ځای ناستي په نوم ګمارل شوي وي. تاسې باید یو مثبت وړاندیز لیک یا ارزونه ولرئ چې د متحده ایالاتو حکومت ته ستاسې وفادار او ارزښتناک خدمت مستند کوي. تاسې باید وښایئ چې د متحده ایالاتو د حکومت لخوا ستاسې د کار په پایله کې د دوامداره جدي ګواښ سره مخ یاست. برسیره پردې، لکه څنګه چې د کورني امنیت د سکرتر لخوا ټاکل کیږي، تاسې باید د مهاجرت ویزې ترلاسه کولو او په بل ډول په متحده ایالاتو کې د دایمي استوګنې لپاره د قبلېدو وړ کیدلو لپاره د شالید چیک او مناسب سکرینینګ پروسه بشپړه کړئ.

د ۲۰۲۱ کال د جولای په ۳۰ مه L. 117-31-2617 (PDF)خپرونې د دغه قانون باندې بياکتنه وکړه او اصلاح يې کړ څو دغه پروګرام د ۲۰۲۳ کال د سپټمبر په ۳۱ پورې تمديد او د ټولو هغو غوښتونکو شمېر چې ښايي د ځانګړې کډوالۍ ویزه ورته وړاندې شي، ۳۸۵۰۰ تنو ته لوړ کړي.

د لازياتو معلوماتو لپاره د USCIS پاليسۍ لارښود او د افغانانو لپاره د بهرنيو چارو وزارت (DOS) د ځانګړو ویزو ويب سايټ ته مراجعه وکړئ.

د کډوالی ځانګړو ویزه لرونکی افغان لپاره د ګرین کارد په بهیر کې ځنډ

په دې وروستیو کې مونږ متوجه شو چې د USCIS اداره د هغو افغان اتباعو د ویزو کاغذي کڅوړې، چې د مهاجرت ځانګړی ویزه (SIV) تر کتګوري لاندي، د قانونې دایمې مقیم (LPRs) په حیث امریکا ته داخل شوي دي، ترلاسه کړي ندي. پخوا به مونږ دغه کڅوړې ترلاسه کولې او د هغو په بنسټ مو د دایمي هستوګنې د اقامت کارت (شین کارت) صادرول. مونږ له نورو ادارو سره کار کوو ترڅو اړین معلومات په وخت سره ترلاسه کړو او ګرین کارتونه سمدستی صادر کړو. همدا راز، مونږ وکولی شو چې ځینې هغه کسانو چې د هغو د ویزه کاغذي کڅوړې مو تر دې دمه ترلاسه کړې نه دې، معلوم او د هغوي ګرین کارتونه دهغو پتی ته لیږو چې مونږ یې په خپلو فایلونو کې لرو.

• که تاسې د مهاجرت ځانکړی ویزه SIV قانونی دایمی اقامه لرونکی LPR په حیث ۹۰ ورځې مخکې امریکا ته داخل شوي یاست او تر دې دمه مو خپل ګرین کارت نه وې ترلاسه کړی، مهربانې و کړئ د Case Inquiry ویب پاڼې له لارې له مونږ سره اړیکه ونیسئ.
• که تاسې د CQ مشروۍ اقامه لرونکی یا SQ لادرک ویزی کڅوړو اغیزمن کډوالو د ډلی ځخه یاست، کیدای شي د USCIS ادارې د غوښتنلیک ملاتړي مرکز تاسې ته د ملاقات وخت تعین او خبر درکړي ترڅو خپل بایومیټریک (د تصویر یا د ګوتو نښې اخیستل یا دواړه) وسپارئ. دا ډیره مهمه ده چې تاسې دغه ملاقات ته حاضر شئ ترڅو مونږ وکولی شو ستاسې بایومیټریک ترسره کړو او په دې توګه ستاسې د ګرین کارت په صادرولو کې د لا ډیر څنډ مخه و نیول شي.
• که تاسې د کډوالی د ځانګړې ویزه SIV قانونی دایمی ویزه لرونکی LPR په توګه متحده ایالاتو ته داخل شوي یاست او لا هم د کډوالی ویزه کاغذي کڅوړی مو تاسې سره موجود دی، مهرباني و کړئ هغه مونږ ته د پوستې خدماتو له لارې په لاندي پته راولیږئ:

USCIS
Attn: IV
2501 S State Hwy 121 Business
Ste 400
Lewisville, TX 75067

د مشروط اقامت له حالت څخه وتل

ادارهٔ USCIS بسیاری از خدمات و تسهیلات آنلاین دیگر را در uscis.gov ارائه می دهد تا به شما کمک کند معلومات مورد نیاز خود را پیدا نمایید.

که تاسې د مهاجرت ځانګړو ویزه SIV قانونی دایمی ویزه لرونکی LPR تر کتګوري لاندي د مشروط اقامه (CQ1, CQ2 or CQ3) سره امریکا متحده ایالاتو ته داخل شوي یاست نو باید د USCIS د اړیکو مرکز سره اړیکه ونیسئ، له دغه مرکز څخه د USCIS سیمه ایزه دفتر کی د ملاقات وخت واخلئ ترڅو I-693 فورمه، د واکسین ریکارډ او د روغتیایې معایناتو راپور چې د USCIS ادارې د ټاکل شوي روغتیاپال لخوا بشپړیږي، دغې ادارې ته تسلیم کړئ. کله چې مونږ ستاسې د I-693 فورمه ترلاسه کړو او باورې شو چې دغه فورمه د ټاکل شوي ډاکټر لخوا په صحیح توګه بشپړ شوی او د نه منلو لاملونه شتون ونلري، نو مونږ به ستاسې پر قانونې دایمې اقامه LPR باندې تړل شوی مشروط حالت لري کړو.

که چیری کډه کوئ، تاسې باید د ۱۰ ورځو دننه خپل د نوې پتې معلومات له مونږ سره شریک کړئ کله چه پته مو بدلیږی. د پتې د بدلولو په هکله د لا ډیرو معلوماتو لپاره د څرنګه کولی شئ خپل آدرس بدل کړئ ویب پاڼې څخه کتنه وکړئ.

که کومه پوښتنه لرئ او یا غواړئ چې د USCIS ادارې سره خپل په شخصي معلوماتو کې بدلون راولی، نو د USCIS ادارې د اړیکو له مرکز سره اړیکه ونیسې او د USCIS استاذې سره یې خبرې وکړئ.

د USCIS اداره د uscis.gov ویب پاڼې له لاري لا ډیر خدمات او لاری برابروی ترڅو د هغه معلوماتو په موندلو کی مرسته وکړی چه تاسې ورته اړتیا لرئ.

یادونه: که تاسې پېرول لرونکې افغان وګړې یاست چې متحده ایالاتو ته له رارسیدو سره سم مو د CBP څخه د افغان پېرولي د معلوماتو پاڼه یا د متحده ایالاتو د سفارت د کونسلګرۍ مامور څخه د پېرول شرایطو په اړه خبرتیا ترلاسه کړې وي، ستاسې پېرول د ځینو طبي شرایطو تابع ده. که تاسې متحده ایالاتو ته د سفر دمخه طبي شرایط نه وې بشپړ کړي یا مو په دولتي موقعیتونو کې چې هلته دا خدمتونه وړاندې کېږي، معاینات نه وي کړي، تاسې اړ یاست چې له دې طبي شرایطو سره د خپل موافقت په اړه خبر ورکړئ. تاسې باید خپل راپور د افغان پېرولي د واکسیناسیون حالت ته وړاندې کړئ.

افغان پناه غوښتونکي په اوتومات ډول اجازه لري چې د دوی د پېرول حالت پراساس کار وکړي

د ۲۰۲۲ کال د نومبر په ۲۱مه، د USCIS اداره اعلان وکړ چې د افغان متحدینو د ښه راغلاست عملیات (OAW) عملیاتو لاندې په متحده ایالاتو کې پېرول شوي او ځینې افغانان چې د دوامدار ښه راغلاست (OEW) عملیاتو لاندې پېرول شوي دي په متحده ایالاتو کې د کار کولو وړ دي. دا پدې مانا ده چې که تاسې یو OAW یا ځانګړي OEW پېرولي یاست، موږ اړتیا نلرو چې ستاسې د I-765 فورمه، د کار جواز لپاره غوښتنلیک تصویب کړو ترڅو تاسې په متحده ایالاتو کې کار کولو وړتیا ترلاسه کړئ.

د پالیسۍ دا تازه معلومات د هغو افغان پېرولونو په اړه پلي کیږي چې د I-94 یو تازه فورمه، د تګ او راتګ ریکارډ، د "OAR" د منلو ټولګي لري که چیرې د دوی پېرول پای ته نه وي رسیدلی. که تاسې یو افغان یاست چې د (b)2502، P.L. No. 117-43 برخې لاندې پوښل شوي یاست، مګر ستاسې په I-94 کې د "OAR" ټولګي نه ده مشخص شوي، مهرباني وکړئ د CBPسره په oawi94adjustments@cbp.dhs.gov سره اړیکه ونیسئ ترڅو که مناسب وي ستاسې د منلو ټولګي تازه کړئ.

د دې پېرولیانو لپاره، د دوی تازه د I-94 فورمه د منلو وړ لیست A رسید دی چې د I-9 فورمې لپاره د دوی هویت او د کار اجازه ښیي. دا رسید د کار له نیټې څخه د ۹۰ ورځو لپاره د I-9 فورمې اړتیاوې (یا که بیا تایید شي، د کار د اجازې د پای نیټه) پوره کوي.

د ۹۰ ورځو مودې وروسته، پېرولیان باید د I-765 یوه تازه فورمه، د کارموندنې جواز سند (EAD)، یا غیر محدود ټولنیز امنیت کارت او د منلو وړ I-9 اسنادو له لیست څخه د منلو وړ لیست B پیژندنې سند (لکه د موټر چلولو جواز یا د حکومت لخوا صادر شوی پیژند کارت) وسپاري. د USCIS اداره به ګمارونکو ته د I-9 فورمې ډکولو په اړه اضافي لارښوونې چمتو کړي.

په یاد ولرئ چې د کارموندنې محدودیتونو پرته د ټولنیز امنیت کارت د هغه پېرولیانو او کسانو لپاره شتون نلري چې په دایمي توګه متحده ایالاتو ته منل شوي نه وي. د نورو معلوماتو لپاره، د ټولنیز امنیت کارډونو ډولونو ټولنیز امنیت سازمان ویب پاڼې ته مراجعه وکړئ.

هغه کسان چې خپل I-94 فورمه یې کله چې دوی متحده ایالاتو ته پېرول شوي ول ترلاسه کړې وي باید د متحده ایالاتو د ګمرکونو او سرحدونو محافظت (CBP) د I-94 فورمې ویب پاڼې ته لاړ شي ترڅو خپل د I-94 فورمه وګوري او چاپ کړي.

د نورو معلوماتو لپاره، مهرباني وکړئ په I-9 Central کې د کارمندانو حقونه او سرچینې وګورئ.

د یوه افغان پېرولي په حیث څوک د کار کولو اجازې لپاره غوښتنه کولای شي

تاسې کولی شئ د EAD لپاره د یو افغان پېرول لرونکې شخص په توګه غوښتنه وکړئ که تاسې د بیړني بشردوستانه دلیلونو یا د پام وړ عامه ګټو لپاره د مهاجرت او تابعیت (INA) 212(d)(5) قانون لاندې د ۲۰۲۱ کال د جولای په ۳۰مه یا وروسته په متحده ایالاتو کې پېرول شوي یاست.

د کار جواز سند (EAD) لپاره غوښتنلیک

که تاسې د افغان پېرولي په توګه د I-765 فورمه ډکوئ، تاسې کولی شئ خپله فورمه په آنلاین یا د پست له لارې وسپارئ. که تاسې یو افغان یاست چې په افغانستان کې د بشري ناورین له امله متحده ایالاتو ته د پېرولي په توګه راغلی یاست، تاسې اړتیا نلرئ د I-765 لومړنۍ فورمې یا د خپل EAD کارت بدلولو لپاره د غوښتنلیک فیس ورکړئ. د ۲۰۲۲ کال دسمبر مې۵، څخه پیل، تاسې کولی شئ خپل فیس معافیت د I-765 فورمه آنلاین وسپارئ.

آنلاین غوښتنلیک سپارل

په آنلاین بڼه د I-765 فورمې ډکولو لپاره، وړ غوښتونکي باید لومړی د USCIS آنلاین حساب جوړولو لپاره my.uscis.gov ته مراجعه وکړي. د یو آنلاین حساب جوړولو لپاره هیڅ لګښت نشته، کوم چې مختلف ځانګړتیاوې وړاندې کوي، په شمول د خوندي ان باکس له لارې ستاسې د غوښتنلیک په اړه د USCIS ادارې سره د اړیکې ټینګولو وړتیا.

د ابتدايي یا بدیل EAD لپاره د I-765 فورمې په آنلاین توګه ډکولو لپاره د فیس معافیت ترلاسه کولو لپاره:

• د وړتیا په برخه کې، خپل "د وړتیا کټګورۍ" غوره کړئ؛

• د هغه کټګورۍ لپاره چې تاسې یې غوښتن لیک ورکوئ، د ډراپ ډاون څخه "(11)c افغانستان پېرولي" غوره کړئ؛

• د خپلې غوښتنې دلیل وټاکئ لکه "د استخدام منلو لومړني واک" یا "د ورک شوي، غلا شوي، یا خراب شوي د استخدام واک سند بدلول یا د استخدام واک سند اصلاح کول د شخصي غلطۍ له امله نه د USCIS لخوا"؛ او

• د صفر ډالر فیس ترلاسه کولو لپاره خپل غوښتنلیک بیاکتنه او وسپارئ.

  • په ۱ برخه کې، د غوښتنلیک لامل ساحه کې، ".a.,1 د استخدام قبلولو لومړنۍ اجازه" او یا ".b.1 د ورک شوي، غلا شوي یا زیانمن شوي کارت بدلول ..." غوره کړئ.
  • په ۲ برخه کې، خپل اصلي هیواد "افغانستان" وټاکئ. (.19.c پوښتنه) او/یا د خپل تابعیت هیواد "افغانستان" غوره کړئ. (پوښتنه .18.a او .18.b)
  • په ۲ برخه، ۲۷ شمېره، ستاسې د مستحق کېدلو د کټګورۍ په اړه معلومات، "(11)(c)." کې ولیکئ. دا د پېروليانو د کټګورۍ شمېره ده. د لا زیاتو معلوماتو لپاره د I-765 فورمې ویبپاڼې ته ورشئ.
  • د خپلې I-94 فورمې، پاسپورت یا د سفر د نورو هغو اسنادو یو نقل وساتئ چې متحده ایالاتو کې د چټکو بشردوستانه لاملونو یا د کډوالۍ او تابعیت تر قانون لاندې د مهمو عامه ګټو د لاملونو (INA) 212(d)(5) له مخې تاسې ته د پېرول درکول څرګندوي. د I-94 فورمې د ترلاسه کولو په اړه لا زیاتو معلوماتو لپاره د ګمرکاتو او سرحد خوندیتوب ادارې (CBP) د I-94 فورمې وېبپاڼه وګورئ.
    • که چېرې تاسې پاسپورت نه لرئ، تاسې کولای شئ په پورته یاده شوې وېبپاڼه کې د "تر ټولو تازه I-94 ترلاسه کړئ" په انتخابولو سره، د خپلې A – شمېرې په کارولو خپله I-94 فورمه بېرته ترلاسه کړئ. د پاسپورت شمېرې په ساحه کې خپله A – شمېره ولیکئ او د پاسپورت د ورکوونکي هېواد په ځای کې "USA" ولیکئ.

د پوست له لارې غوښتنلیک سپارل

د I-765 کتبي فورمه خپل د اوسنۍ آدرس پر اساس هغه پتې ته واستوئ چې د USCIS د پست آدرس لاک باکس چارټ پاڼه کې ورکړل شوي د ځینې کورنۍ پورې اړوند فارمونو په ویبپاڼې کې په نښه شوي دي.

لاندې د I-765 فورمې ډکولو لپاره ځینې لارښوونې دي:

• ډاډه اوسئ چې د فورمې ټولې برخې بشپړې کړئ. که چېرې له دغو برخو څخه کومه برخه تشه پاتې وي، مونږ به ستاسې فورمه رد کړو:
  • ۱ برخه – د غوښتنې لامل
  • ۲ برخه – کورنی نوم
  • ۲ برخه – د زېږېدلو نېټه
  • ۲ برخه – پته
  • ۲ برخه – د مستحق کېدلو کټګوري
  • ۳ برخه – لاسلیک
• د I-94 فورمه، پاسپورت یا د پورته تشرېح شوو نورو سفري اسنادو له یوې کاپي سره د I-765 فورمه وسپارئ.

مهرباني وکړئ په یاد ولرئ: د غوښتنلیکونو د ملاتړ په مرکزونو کې د مهالوېشونو په ترتیبولو سره به د افغانانو غوښتنلیکونو ته لومړیتوب ورکړل شي څود هغوي بایومترېک ترلاسه شي. هغه ادارې چې له غوښتنلیک سپارونکو سره د هغوي د I-765 فورمې په برخه کې مرسته کوي، کولی شي غوښتنلیکونه د USCIS ادارې ته په ډله ییزه توګه وسپاري.

د I-765 فورمې له ډکولو وروسته

د USCIS اداره ښايي له تاسې وغواړي چې د مرکې لپاره حاضر شئ یا د بایومتریک (د ګوتو نښان، عکس، او/یا لاسلیک) لپاره ورشئ چې ستاسې د هویت تصدیق کولو، اضافي معلوماتو ترلاسه کولو، او مخینې او امنیتي ارزونې ترسره کولو لپاره ترسره کېږي، په دې کې د جرمي تاریخي سوابقو کتل هم شامل دي چې د فدرالي تحقیقاتو بیورو (FBI) لخوا پر مخ وړل کېږي، مخکې له دې چې ستاسې د I-765 غوښتنلیک په اړه پریکړه وکړل شي.

وروسته له دې چې موږ ستاسې غوښتنلیک ترلاسه کړو او ومنو، موږ به تاسې ته په لیکلي ډول خبر درکړو چې تاسې د بایومیټریک خدماتو ملاقات کې برخه اخیستلو ته اړتیا لرئ او که نه. که اړتیا وي، هغه خبرتیا چې موږ یې تاسې ته لیږو، تاسې ته به ستاسې د محلي یا ټاکل شوي USCIS د غوښتنلیکونو د ملاتړ مرکز موقعیت او ستاسې د ملاقات نیټه او وخت ښيي. که تاسې د خپل بایومټریک خدماتو ملاقات ته حاضر نه شئ، موږ ښايي ستاسې غوښتنلیک رد کړو.

که موږ ستاسې I-765 فورمه تائید کړه، نو موږ به ستاسې د استخدام جواز سند (EAD) تاسې ته ستاسې په ثبت شوې پته درولیږو. تاسې باید په خپله پته کې د هر ډول بدلون په اړه په ۱۰ ورځو کې دننه USCIS ادارې ته خبر ورکړئ ترڅو ډاډ ترلاسه کړئ چې ستاسې EAD په وخت او سمه توګه تاسې ته رسیږي. (تاسې باید USCIS ته د پتې د بدلون په اړه د AR-11 فورمه، د بهرنیانو د پتې د بدلون کارت، په آنلاین ډول ډکولو له لارې د پتې د بدلولو ویب پاڼې په کارولو سره خبر ورکړئ.)

ستاسې د استخدام جواز د نوي کولو یا ستاسې د EAD بدلولو غوښتنې لپاره، د I-765 فورمې پاڼه وګورئ.

مهرباني وکړئ په یاد ولرئ: فدرالي قانون هر کار ګومارونکی چې په متحده ایالاتو کې استخدام کوي، د فیس لپاره یې راجع کوي، یا یو کس په متحده ایالاتو کې د کار لپاره ګوماري، مکلفوي چې د I-9 فورمه، د کار وړتیا تصدیق، ډکه کړي. د I-9 فورمې او د کارکوونکي په توګه ستاسې د حقونو په اړه نور معلومات د I-9 مرکزي ویب پاڼه کې ومومئ.

د EAD د تصحیح غوښتنه څنګه ترسره کړئ

که ستاسې EAD غلط معلومات یا تېروتنه ولري، د اصلاح لپاره تاسې باید USCIS ته لاندې اسناد وسپارئ:

• اصلي کارت چې تېروتنه لري؛
• د کارت د تېروتنې تفصيلي وضاحت (لکه ناسم نوم، د زېږېدو نېټه، او داسې نور)؛
• ستاسې د متحده ایالاتو پُستي پته؛ او
• د سمو معلوماتو د ملاتړيزو/حمایوي اسنادو نقل.

په حمایوي اسنادو کې ستاسې د سمو معلوماتو لرونکي لومړني یا ثانوي اسناد شامل دي. که تاسې لاندې لست شوي ثانوي اسناد سپارئ، نو باید په اړه یې توضیحات ورکړئ چې ولې لومړني اسناد شتون نلري. که تاسې USCIS ته په بهرنیو ژبو لیکل شوی سند سپارئ، نو تاسې باید د انګلیسی ژبې بشپړ ژباړه چې د یوه ژباړونکی لخوا یې د ژباړلو د بشپړتیا او سموالي د تصدیق خط شامل کړئ، او همدارنګه د ژباړونکي تصدیق چې دوی د بهرنئ ژبې څخه انګلیسی زبې ته د ژباړې وړتیا لري.

• لومړني اسناد:
  • پاسپورت؛
  • تذکره؛ یا
  • د زېږیدنې سند.
• ثانوي اسناد:
  • د موټر چلولو جواز/لایسنس
  • بیوګرافیک معلومات یا حمایوي اسناد چې د USCIS یا د متحده ایالاتو د حکومت پخوانیو غوښتنلیکونو یا عریضو لپاره وړاندې شوي، یا نور رسمي سوابق چې لاندې اسناد په کې شامل دي:
    • I-360 فورمه؛
    • DS-157، د کام اپروول (عمومی رییس) د تائید خبرتیا؛
    • I-130 فورمه؛
    • I-730 فورمه؛
    • د متحده ایالاتو د ویزې غوښتنلیکونه (DS-160, DS-260)؛
    • مذهبي یا طبي اسناد چې ستاسې نوم او د زیږون نیټه ولري؛ یا
    • د ښوونځي یا د کار موندنې سوابق چې ستاسې نوم او د زیږون نیټه لري؛ یا
  • د زیږون یو ثبت شوی حلف، چې باید لاندې معلومات په کې شامل وي:
    • ستاسې د زیږون نیټه، د زیږون ځای، او ستاسې د بشپړ نوم سمه املا؛
    • ستاسې د دواړو والدینو بشپړ نومونه؛ او
    • حلف کوونکی څنګه ستاسې د زیږون په اړه پوهیږي.

یادونه: د محرمیت محدودیتونه کیدای شي د I-730 فورمې په ځینو معلوماتو باندې پلي شي، چې په دې پورې اړه لري چې معلومات چا سپارلي، له چا سره تړاو لري، او له چا سره شریک کیږي.

که تاسې نشئ کولای د پورتنیو غوښتل شويو اسنادو یا ثبت شوو حلفونو څخه کوم یو چمتو کړئ، نو مفصل لیکلي توضیحات وړاندې کړئ چې دا تشریح کوي چې ولې تاسې نشئ کولای یاد معلومات وړاندې کړئ. په خپل وضاحت کې لاندې معلومات شامل کړئ:

• ستاسې سم بشپړ نوم، د زیږون نیټه، او د زیږون ځای؛ او
• ستاسې د مور او پلار بشپړ نومونه، د زیږون نیټه، او د زیږون ځای.

تاسې باید د خپل بیان اعتبار هم تصدیق کړئ چې تاسې نشئ کولای لومړني یا ثانوي اسناد وړاندې کړئ. تصدیق باید وښیي چې په بیانیه کې هغه معلومات چې تاسې وړاندې کړي د اعتبار وړ دي. تاسې باید خپل تصدیق لاسلیک کړئ، مګر اړینه نه ده چې په قضا کې ثبت شي.

دا معلومات په لاندې پته ولېږئ:

U.S. Department of Homeland Security
Attn: OAW EAD Card Corrections
P.O. Box 648003
Lee’s Summit, MO 64002

تاسې اړتیا نلرئ چې د I-765 نوې فورمه وسپارئ یا د تصحیح شوي کارت د غوښتنلیک لپاره فیس ورکړئ.

که هغه تېروتنه چې تاسې یې راپور ورکوئ دا وي چې ستاسې په کارت کې ورکړل شوی عکس ناسم دی، موږ ښايي تاسې ته د USCIS د غوښتنلیکونو د ملاتړ مرکز کې د نوي عکس اخیستلو لپاره د ملاقات لپاره خبرتیا واستوو.

د بشپړې شوې I-765 فورمې او د چمتو شوې EAD حالت څنګه وګورئ

که تاسې د I-765 فورمې سپارلو وروسته خپل EAD نه وي ترلاسه کړی، د قضیې آنلاین حالت وګورئ یا د USCIS د اړیکو مرکز سره په 800-375-5283 (TTY 800-767-1833) شمېرې، له دوشنبې تر جمعې، د سهار له ۸ بجو د ماسخوتن تر ۸ بجو پورې د Eastern په وخت خپل غوښتنلیک د وضعیت په اړه معلوماتو ترلاسه کولو لپاره اړیکه ونیسئ.

که تاسې د کوم ځنډیدلي غوښتنلیک په اړه پوښتنې لرئ، مهرباني وکړئ د نورو معلوماتو لپاره زموږ سره اړیکه ونیسۍ ویب پاڼه وګورئ.

د USCIS اداره هغو افغان اتباعو او د دوی د کورنۍ نږدې غړو ته چې متحده ایالاتو ته انتقال شوي د کډوالۍ خدمتونه وړاندې کوي چې تر ننوتلو وروسته د کډوالۍ اضافي پروسس ته اړتیا لري. افغان اتباع او د هغوی کورنۍ چې متحده ایالاتو ته کډه شوي دي له بیلابیلو ډلو څخه تشکیل شوي دي:

د هغو افغان اتباعو لپاره د مهاجرت ځانګړې ویزې (SIV) د پروسې په اړه د معلوماتو لپاره چې د متحده ایالاتو د حکومت یا د نړیوالو امنیتي مرستندویه ځواکونو/ایساف لخوا ګومارل شوي وي، د ګرین کارټ د هغه افغان وګړي لپاره چې د امریکا د دولت لخوا یا د دی دولت په استازیتوب ګمارل شوی وي ویب پاڼه وګورئ.

هغه غوښتنلیک ورکوونکي، ګټه اخیستونکي، یا د رسمي وکیلان، چې G-28 فورمې، د وکیل یا باوري استازي په توګه د حاضریدو خبرتیا ولري، او د افغان ځانګړو مهاجرینو لپاره د ځنډیدلي غوښتنلیک په اړه پوښتنې لري کولای شي د USCIS د اړیکو مرکز سره په 800-375-5283 (TTY 800-767-1833) شمیرو، له دوشنبې تر جمعې، د سهار له ۸ بجو د ماسخوتن تر ۸ بجو پورې د Eastern پر وخت، اړیکه ونیسي. که تاسې له متحده ایالاتو څخه بهر یاست، نو 212-620-3418 شمېرې ته زنګ ووهئ یا د خپلې قضیې حالت په آنلاین ډول وګورئ.

د (COM) د ځنډیدلي غوښتنلیک یا د مهاجرت ویزې په اړه د پوښتنو لپاره، مهرباني وکړئ د بهرنیو چارو وزارت د هغو افغانانو لپاره د مهاجرینو ځانګړو ویزو ته مراجعه وکړئ چې د متحده ایالاتو د حکومت لخوا /په استازیتوب ګومارل شوي وي.

تاسې ښايي د مهاجرت او تابعیت قانون تر ۱۳ برخې لاندې د ګرین کارت ترلاسه کولو وړ یاست که چېرته:

• تاسې یو تابعیت نه لرونکی شخص یاست چې متحده ایالاتو ته د A-1، A-2، G-1، یا G-2 غیر کډوال په توګه داخل شوي یاست؛
• تاسې د خپل A-1، A-2، G-1، یا G-2 غیر کډوال حالت ساتلو کې پاتې راغلي یاست؛
• ستاسې دندې ډیپلوماتیکې یا نیمه ډیپلوماټیکې وې.
• تاسېکولای شئ وښایئ:
  • هغه معقول دلایل چې ولې تاسې نشئ کولای هغه هیواد ته بیرته ستانه شئ چې داسې حکومت یې استازیتوب کوي چې تاسې یې د ډیپلومات په توګه پیژندلي واست؛ او
  • دا چې ستاسې د حالت سمون به د متحده ایالاتو له ملي ګټو سره سم وي؛
• تاسې د ښه اخلاقي کرکټر خاوند یاست؛
• تاسې په متحده ایالاتو کې د قانوني دایمي استوګنې لپاره د قبلېدو وړ یاست؛ او
• د یو قانوني دایمي اوسیدونکي په توګه ستاسې داخلیدل به د متحده ایالاتو د ملي هوساینې، خوندیتوب یا امنیت سره په ټکر کې نه وي.

د ۱۳مې برخې په اړه د نورو معلوماتو لپاره او د هغو افغان اتباعو، چې په ډیپلوماټیک حالت کې منل شوي، اړوند د ثبت کولو د ځانګړو لارښوونو لپاره، د ۱۳مې برخې ویب پاڼه وګورئ.

که تاسې یو افغان وګړې یاست چې متحده ایالاتو ته د پېرول له لارې راغلې یاست، تاسې باید په متحده ایالاتو کې خپل د آدرس بدلولو په ۱۰ ورځو کې دننه د USCIS ادارې ته راپور ورکړئ. تاسې باید هر ځلې چې یو ځای څخه بل ځای ته کډه کوئ باید مونږ ته خبر راکړئ حتا که په لنډمهاله توګه هم وي. تاسېکولای شئ خپله پته آنلاین بدله کړئ او خپله پته په هر ډول ځنډیدلو غوښتنلیکونو او عریضو کې په ورته وخت کې د USCIS آنلاین پتې بدلولو سیسټم په کارولو سره تازه کړئ.

ستاسې د پتې بدلولو پورتنۍ طریقه به د USCIS په دوسیه کې په ټولو ځنډیدلو غوښتنلیکونو، عریضو، یا غوښتنو کې ستاسې پته تازه کړي چې تاسې یې په فورمه کې د رسید شمیرې داخلوئ.

مهمه ده چې د پتې د بدلون غوښتنې پر مهال د USCIS سره د هرې ځنډیدلې دوسې لپاره د رسید شمیره داخله کړئ، چې موږ وکولی شو د دې دوسیو سره تړلې پته تازه کړو. موږ به محرم اسناد په دوسیه کې داخلې شوې پتې ته لیږو، نو ځکه مهمه ده چې د ټولو ځنډیدلو دوسیو لپاره د رسید شمیرې داخلې کړئ. تاسې کولای شئ د رسید شمیره د رسید خبرتیا (فورم I-797C) کې ومومئ کوم چې موږ ستاسې د غوښتنلیک یا عریضې له درج کولو وروسته صادره کړې ده. موږ د رسید خبرتیاوې په غوښتنلیک یا عریضه کې لیست شوي پتې ته لیږو.

که تاسې د پتې د بدلون غوښتنې په اړه کومه ستونزه یا پوښتنه لرئ، نو nbcafghancoa@uscis.dhs.gov ته یو برېښنالیک ولېږئ. یادونه: د دې بریښنالیک آدرس څخه یوازې هغه وخت کار واخلئ چې تاسې د ۲۰۲۱ کال د جولای په ۳۰مې یا له هغه وروسته د افغان متحدینو د ښه راغلاست عملیات لاندې په افغانستان کې د بشري ناورین له امله متحده ایالاتو ته داخل شوي یاست، یا تاسې (یا د کورنۍ غړي مو) د متحده ایالاتو څخه بهر یو افغان یاست چې له USCIS سره مو غوښتنلیک یا عریضه د پروسس لاندې ده.

د حقوقي خدمتونو د موندلو په اړه د معلوماتو لپاره، مهرباني وکړئ د حقوقي خدمتونو موندلو ویب پاڼې ته مراجعه وکړئ.

که تاسې له متحده ایالاتو څخه بهر یاست، تاسې یا ستاسې په استازیتوب یو بل کس کولای شي د بیړني بشري یا د پام وړ عامه ګټو دلیلونو پراساس متحده ایالاتو ته د پېرول غوښتنه وکړي. هغه اشخاص چې قانوني پېرول لري متحده ایالاتو ته د رسیدو وروسته د استخدام د جواز لپاره غوښتنه کولای شي. د افغان اتباعو لپاره د پېرول په اړه د معلوماتو لپاره، USCIS ادارې ته د پېرول لپاره د غوښتنلیک په اړه د افغان اتباعو لپاره معلومات (انګلیسي)، USCIS ادارې ته د پېرول لپاره د غوښتنلیک په اړه د افغان اتباعو لپاره معلومات (پښتو) یا USCIS ادارې ته د پېرول لپاره د غوښتنلیک په اړه د افغان اتباعو لپاره معلومات (دري) ویبپاڼې وګورئ.

د USCIS اداره د ټولو ملیتونو لپاره د پېرول ټولې غوښتنې ارزوي چې معلومه کړي چې ایا غوښتنه د بیړني یا وخت حساس دلیل په خاطر په ګړندۍ توګه پروسس کړي او یوازې د تابعیت پراساس د پېرول غوښتنې نه ګړندۍ کوي. [د افغان اتباعو په استازیتوب د پېرول غوښتنلیکونو لپاره، د USCIS اداره اوس مهال له افغانستان څخه بهر د افغان اتباعو لپاره د پېرول غوښتنلیکونو ته لومړیتوب ورکوي نسبت هغو کسانو ته چې په افغانستان کې دي، ځکه چې هغه اشخاص چې د متحده ایالاتو سفارت یا کونسلګرۍ سره نږدې موقعیت کې دي، هلته د پېرول ګټه اخیستونکو لپاره د پروسس بشپړولو امکانات موجود دي، مګر موږ په افغانستان کې د موجودو افرادو لپاره د پېرول غوښتنلیکونو پروسې ته هم دوام ورکوو.]

د بشري پېرول پاتې غوښتنو اړوند پوښتنو لپاره مهرباني وکړئ HumanitarianParole@uscis.dhs.gov ته بریښنالیک واستوئ.

پناه غوښتونکې یو غیر تبعه شخص دی چې عموماً د خپل هیواد څخه بهر وي او نژاد، مذهب، ملیت، د یوې ځانګړې ټولنیزې ډلې غړیتوب یا سیاسي نظر له امله ځورول شوي یا په راتلونکي کې د ځورونې ویره لري.

کډوال او پناه غوښتونکي باید د اړتیا په صورت کې د کوربه حکومتونو سره د ثبت کیدلو په شمول د هغه هیواد ټولې قانوني اړتیاوې پوره کړي چې دوی په کې موقعیت لري. پردې سربیره، ټول هغه افغان کډوال او پناه غوښتونکي چې په دریمو هیوادونو کې میشت دي باید د ملګرو ملتونو د کډوالو عالي کمیشنرۍ (UNHCR) نږدې دفتر سره ثبت شي. د UNHCR اداره نړیواله دنده لري چې مهاجرینو ته ساتنه او مرستې چمتو کړي او د اړتیا په صورت کې د خوندیتوب سند او نورې مرستې وړاندې کولای شي. د یو لږ شمیر خورا زیان منونکو اشخاصو لپاره، کیدای شي په دې کې د متحده ایالاتو د مهاجرینو د قبولۍ پروګرام (USRAP) یا د بل هیواد د بیا میشتیدنې پروګرام ته راجع کول هم شامل وي. د UNHCR اداره د ثبت او راجستر کولو په وخت کې د دوی د زیان مننې د ارزونې پراساس د بیا میشتیدنې راجع کولو لپاره اشخاص په ګوته کوي.

د USRAP برنامې ته د لاسرسي په اړه معلومات د بهرنیو چارو وزارت د مهاجرینو قبولۍ ویب پاڼې او د USCIS د مهاجرینو ویب پاڼې کې ومومئ.

د هغو افغان اتباعو لپاره چې د کډوالۍ بیا میشتیدنې په لټه کې دي، لاندې لومړیتوبونه د هغو افغان اتباعو لپاره موجود دي چې USRAP ته د لاسرسي په لټه کې دي:

لومړیتوب - ۱ انفرادي قضیې: دا قضیې د کډوالو لپاره د ملګرو ملتونو د عالي کمیشنرۍ، د متحده ایالاتو سفارت، یا یو ټاکل شوي غیر دولتي سازمان لخوا په ګوته کېږي او پروګرام ته راجع کیږي.

لومړیتوب - ۲ د ځانګړي بشري اندیښنو ګروپونه: د ۲۰۲۱ کال د اګست په ۲مه، د بهرنیو چارو وزارت د ځانګړو افغان اتباعو او د کورنۍ د وړ غړو لپاره د لومړيتوب ۲ (P-2) نوی پروګرام اعلان کړ. د افغان اتباعو لپاره د P-2 پروګرام په اړه د ځانګړو معلوماتو لپاره، مهرباني وکړئ د کډوالو د پروسس مرکز SIV/Afghan P-2 ویب پاڼې ته مراجعه وکړئ.

لومړیتوب - ۳ د کورنۍ سره یو ځای کیدل: میرمنې/مېړونه، د ۲۱ کلونو څخه کم عمر لرونکي ماشومان، یا د هغو کسانو والدین چې دمخه متحده ایالاتو ته د مهاجرینو یا پناه غوښتونکو په توګه منل شوي وي پدې کټګورۍ کې شامل دي.

د کډوالو د پروسس لاندې دوسیو په اړه د پوښتنو لپاره مهرباني وکړئ refugeeaffairsinquiries@uscis.dhs.gov ته بریښنالیک واستوئ.

د متحده ایالاتو اتباع او قانوني دایمي اوسیدونکي کولې شي د ځانګړو خپلوانو لپاره متحده ایالاتو ته د مهاجرت غوښتنه وکړي. د لا زیاتو معلوماتو لپاره، د I-130 فورمه، د غیر اتباعو کورنۍ غړو لپاره غوښتنلیک او د شنه کارت وړ کټګورۍ پاڼې وګورئ.

د ۲۰۲۴ کال د سپتمبر تر ۳۰مې پورې، د هغو افغان اتباعو (ګټه اخیستونکو) لپاره چې بیړنۍ ویزې ورسره شتون لري د I-130 فورمې ډکولو لپاره هیڅ فیس نشته. مهرباني وکړئ د I-130 فورمې په ۴مه برخه او ۷مه ماده کې د خپل خپلوان د زیږون هیواد لیست کړئ. د متحده ایالاتو په سفارت یا قونسلګرۍ کې د ثبت شوي غوښتنلیکونو لګښت لپاره، په ورته هیواد کې زموږ سفارت یا قونسلګرۍ سره اړیکه ونیسئ. که تاسې غوښتونکې یاست او یا د G-28 فورمې سره په سوابقو کې ثبت یو وکیل یاست، او د I-130 فورمې په اړه چې د کورنۍ د بیا یوځای کیدو غوښتنلیکونو لپاره پروسس کیږي پوښتنې لرئ، تاسې کولی شئ د متحده ایالاتو د تابعیت او کډوالۍ خدماتو USCIS ادارې اړیکو مرکز سره د 800-375-5283 (TTY 800-767-1833) له لارې د دوشنبې څخه تر جمعې د سهار له ۸ بجو څخه تر ۸ بجو پورې اړیکه ونیسئ. که تاسې د متحده ایالاتو څخه بهر یاست، د 212-620-3418 شمېرې ته زنګ ووهئ یا د خپل د دوسیې حالت آنلاین وګورئ.

د SIV LPRS د مېرمنې/میړه او ماشومانو لپاره

ځینې ​​افغان قانوني دایمي اوسیدونکي چې د OAW برنامې لاندې یې د افغان ځانګړي مهاجرینو (SIV LPRs) په توګه خپل د کډوالۍ حالت یې تنظیم کړی ممکن د متحده ایالاتو څخه بهر د خپلو میرمنو او ماشومانو لپاره د کورنۍ یوځای کیدلو د کډوالۍ ګټې ترلاسه کړي. د I-824 فورمه، د تصویب شوي عریضې په اړه د اقدام لپاره غوښتنلیک، د مخکینۍ تصویب شوي غوښتنلیک یا عریضې په اړه د نورو ګامونو غوښتنه کولو لپاره وکاروئ. میرمن/میړه او د ۲۱ کالو څخه کم عمر لرونکی نا واده شوی ماشوم چې د اصلي مهاجر سره د یوځای کیدو لپاره غوښتنه کوي ممکن د اصلي افغان ځانګړي مهاجر په توګه ورته ځانګړي مهاجر کټګورۍ ورکړل شي. د افغان ځانګړي مهاجر د I-824 فورمې دوسیه کولو لپاره هیڅ فیس نشته.

د پناه غوښتونکو او مهاجرینو مېرمنې او ماشومانو لپاره

پردې سربیره، که تاسې په تیرو ۲ کلونو کې په متحده ایالاتو کې منل شوی اصلي کډوال یاست یا اصلي پناه غوښتونکی چې په تیرو ۲ کلونو کې یې پناه اخیستې وي، تاسې کولای شئ د I-730 فورمه، د کډوالۍ/د پناه غوښتنې کورنۍ لپاره غوښتنلیک وکاروئ، چې پر شرایطو د برابرو د ۲۱ کالو څخه کم عمر لرونکو ناواده شوو ماشومانو او/یا مېرمنې/مېړه لپاره د کډوالۍ ګټو سره یوځای کیدلو غوښتنه وکړئ. دا د "مشتق" مهاجر یا پناه غوښتونکي حالت ګڼل کیږي ځکه چې ستاسې ګټه اخیستونکی به خپل حالت له تاسې څخه ترلاسه کړي کله چې تاسې د مهاجر په توګه متحده ایالاتو ته داخل شئ یا د پناه غوښتنې سند ترلاسه کړئ. دا عریضه د ثبتولو لپاره ۲ کلن ضرب الاجل لري، په هرصورت، په ځینو مواردو کې، USCIS کیدای شي د بشري دلیلونو له مخې د ۲ کلونو د ثبتولو ضرب الاجل معاف کړي. د نورو معلوماتو لپاره، د I-730 فورمې ویب پاڼه وګورئ.

د متحده ایالاتو حکومت ممکن ستاسې د کورنۍ د وړ انتقال لپاره د پرواز مرستې وړاندیز وکړي چې له متحده ایالاتو څخه بهر دي که تاسې یو افغان یاست چې متحده ایالاتو ته د پېرولي په توګه داخل شوي یاست او:

• تاسې اوس مهال پرولي یاست؛ یا

• تاسې په متحده ایالاتو کې پېرول شوي یاست او وروسته د لنډمهاله محافظت حالت (TPS) درته ورکړل شوی.

تاسې کولی شئ د خپلې قانوني میړه/میرمنې* او ستاسې د ۲۱ کلونو څخه کم عمر لرونکي ناواده شوي ماشومانو لپاره متحده ایالاتو ته د مهاجرو په توګه د راتګ غوښتنه وکړئ.

د بهرنیو چارو وزارت د افغان کورنۍ د بیا یوځای کیدلو ویب پاڼې ته لاړ شئ او د نورو مفصلو معلوماتو لپاره که تاسې یو د پېرولي یاستئ برخې ته لاړ شئ. دا برخه د DS-4317 فورمې، د افغان پېرولیانو د کورنۍ هغه غړو لپاره د کورنۍ بیا یوځای کولو مرستې چې د متحده ایالاتو څخه بهر دي ته یو لینک لري چې تاسې کولی شئ له طریقه ېې د خپلې کورنۍ د وړ غړو لپاره غوښتنه وکړئ.

د DS-4317 فورمې ډکولو لپاره، تاسې لاندې مواردو ته اړتیا لرئ:

• د استخدام جواز سند (EAD)؛ یا

• ستاسې د USCIS شمیره (A-Number) او نور اسناد، لکه ستاسې I-94 فورمه. د I-94 فورمې موندلو په اړه د نورو معلوماتو لپاره، د ګمرکونو او سرحدونو خوندیتوب (CBP) ادارې د I-94 فورمې ویب پاڼه وګورئ.

تاسې به د خپلې قانوني میړه/میرمنې* او د ۲۱ کلونو څخه کم عمر لرونکي غیر واده شوي ماشومانو لپاره چې د متحده ایالاتو څخه بهر دي لاندې اسنادو ته هم اړتیا ولرئ:

• د واده سند – ستاسې د قانوني میړه/میرمنې لپاره*؛

• د زیږون سند – د هر ماشوم لپاره چې عمر یې د ۲۱ کلونو څخه کم وي؛

• تذکره – د کورنۍ د هر غړي لپاره؛ او

• پاسپورت – د کورنۍ د هر غړي لپاره.

*مهرباني وکړئ په یاد ولرئ چې، په عمومي توګه، موږ به یوازې د ټولو ودونو څخه لومړی قانوني واده په پام کې ونیسو چې د متحده ایالاتو د کډوالۍ موخو لپاره اعتبار لري، مګر دا چې تاسې د طلاق سند یا د مړینې سند د ثبوت په توګه چې لومړی واده پای ته رسیدلی و د ورستۍ هر واده لپاره نکاح خط وړاندې کړئ. د نورو معلوماتو لپاره، د ودونو تعدد برخه وګورئ.

که چیرې د متحده ایالاتو حکومت ستاسې د قانوني میړه/میرمنې او د ۲۱ کلونو څخه کم عمر لرونکي ماشومان له افغانستان څخه وباسي، ستاسې د کورنۍ غړي به له متحده ایالاتو څخه بهر یو هیواد ته سفر وکړي چیرې چې دوی د متحده ایالاتو د مهاجرینو د داخلې برنامې (USRAP) له لارې د کډوالۍ حالت لپاره په پام کې نیول کیدی شي. د بهرنیو چارو وزارت به ستاسې د DS-4317 فورمې ترلاسه کولو وروسته ستاسې سره ستاسې د کورنۍ غړو لپاره د وتلو اختیارونو په اړه اړیکه ونیسي. که د متحده ایالاتو حکومت ستاسې د کورنۍ له غړو سره مرسته وکړي چې له افغانستان څخه ووځي، دوی به یوازې هغه وخت وتوانیږي متحده ایالاتو ته راشي که د متحده ایالاتو د مهاجرت چارواکي د دوی راتګ تصویب کړي.

تاسې باید د خپلې کورنۍ د غړو انتقال لپاره افغانستان ته سفر ونه کړئ. د متحده ایالاتو حکومت تاسې نه اړ کوي چې په افغانستان ته لاړشئ ترڅو چې ستاسې د کورنۍ د غړو په وتلو کې مرسته وکړي او نه هم په افغانستان کې ستاسې شتون ستاسې د کورنۍ غړو سره په چټکۍ سره په وتلو کې مرسته وکړي.

که تاسې په متحده ایالاتو کې د پناه غوښتنې یا مهاجر دریځ ترلاسه کوئ، د DS-4317 فورمې دوسیه کول به تاسې د I-730 فورمې، د کډوال/د پناه غوښتونکو کورنۍ لپاره عریضه، د سپارلو څخه منع نه کړي. که موږ ستاسې د I-730 فورمه د هغه ګټه اخیستونکي لپاره تصویب کړو چې په افغانستان کې وي، نو هغه ګټه اخیستونکی کولی شي دریم هیواد ته د پروسې ادامې او متحده ایالاتو ته د وروستي انتقال لپاره مرستې ترلاسه کړي.

د USCIS اداره عموما د اړونده کډوال ویزې کڅوړې پروسس کولو او د ګرین کارتونو چمتو کولو لپاره فیس ته اړتیا لري. د ۲۰۲۴ کال د سپتمبر تر ۳۰مې پورې، USCIS به د افغان اتباعو څخه د کډوالۍ فیس نه اخلي.

موږ تاسې هڅوو چې I-765 فورمې، د استخدام د جواز لپاره غوښتنلیک، په کارولو سره د ټولنیز امنیت شمیرې (SSN) لپاره غوښتنه وکړئ، او د فورمې لارښوونې تعقیب کړئ. که تاسې د خپلې I-765 فورمې په ۲مه برخه (13.a.-17.b. ماده) کې د SSN غوښتنه وکړئ، او ستاسې غوښتنلیک تائید شي، USCIS به دا معلومات په بریښنایی ډول د ټولنیز امنیت ادارې (SSA) ته ولیږدوي، او SSA به تاسې ته یو SSN شمیره وټاکي او د ټولنیز امنیت کارت به درکړي. SSA به ستاسې د ټولنیز امنیت کارت مستقیماً هغې پتې ته واستوي چې تاسې یې په I-765 فورمه کې وړاندې کوئ. که تاسې د متحده ایالاتو په یو کډوالۍ مرکز یا خوندي ځای کې I-765 فورمه ډکه کړې وي، تاسې ښايي په واشنګټن ډي سي کې "د مهاجرت نړیوال سازمان (IOM)" د خپلې پتې په توګه ثبت کړی وي. د IOM سازمان د EADs او ټولنیز امنیت کارتونو د لېږلو لپاره ګامونه پورته کوي.

که تاسې په خپله I-765 فورمه کې د SSN غوښتنه نه کوئ، یا تاسې د متحده ایالاتو په دولتي کډوالۍ مرکز یا خوندي ځای کې د I-765 فورمه ډکه کړې نه وي، تاسې کولای شئ د SSA ټولنیز امنیت شمیرې او کارت ویب پاڼې کې وړاندې شوو لارښوونو په کارولو سره د USCIS څخه د خپل EAD ترلاسه کولو وروسته د SSN لپاره غوښتنه وکړئ.

له یو څه زیات ودونه یا د زوجونو تعدد هغه مذهبي عمل یا تاریخي دود دی چې کله په یو وخت کې یو سړی له ۱ څخه ډیرې میرمنې ولري. د افغانستان د قوانینو له مخې څو ښځې لرل قانوني دي، خو د امریکا په ټولو ایالتونو کې دا عمل غیر قانوني دي. د متحده ایالاتو قانون کې د زوجونو تعدد غیر قانوني دی. افراد باید په متحده ایالاتو کې د زوجونو تعدد ته دوام ور نه کړي.

په عمومي ډول، موږ د کډوالۍ موخو لپاره د زوجونو د تعدد په حالت کې یوازې لومړی واده په پام کې نیسو چې اعتبار لري. که تاسې د زوجونو تعدد ته ادامه ورکړئ چې متحده ایالاتو ته تر رسیدو مخکې مو لرل یا په متحده ایالاتو کې نوي ودونه پیل کړئ، موږ ممکن ستاسې د کډوالۍ غوښتنلیک یا عریضه رد کړو.

که تاسې د زوجونو د تعدد او د متحده ایالاتو د مهاجرت قانون په اړه پوښتنې لرئ، د خپلې ځایي بیا میشتیدنې ادارې سره اړیکه ونیسئ. که تاسې د قانوني خدمتونو موندلو ته اړتیا لرئ، مهرباني وکړئ د حقوقي خدمتونو موندلو ویب پاڼې ته لاړ شئ.

په عمومي توګه، یو بې سرپرسته ماشوم د ۱۸ کلونو څخه کم عمر لرونکی شخص دی چې په متحده ایالاتو کې د کډوالۍ قانوني حالت نلري او په متحده ایالاتو کې مور او پلار یا قانوني سرپرست نلري چې پاملرنه او فزیکي حضانت ورته وړاندې کړي.

د داسې ماشومانو د ملاتړ لپاره د شته پروګرامونو او/یا خدمتونو په اړه د لا زیاتو معلوماتو لپاره، د امریکا د روغتیا او بشري خدمتونو وزارت د کډوالو د بیا میشتیدنې دفتر (ORR) د بې سرپرسته ماشومانو او سپانسرانو لپاره د اړیکو شمېرې: 800-203-7001، information@ORRNCC.com، سره اړیکه ونیسئ یا د بې سرپرسته ماشومانو (UC) پروګرام او د بې سرپرسته کډوالو د کوچنيانو پروګرام (URM) د ORR ویب پاڼو څخه لیدنه وکړئ.

د ناوړه ګټې اخیستنې ډیری ډولونه شتون لري، چې کورنی تاوتریخوالی، جبري ودونه او انساني قاچاق په کې شاملیدلی شي. په متحده ایالاتو کې، داسې قوانین شتون لري چې کولای شي تاسې سره د ناوړه وضعیت یا جبري واده څخه مخنیوي یا تیښتې کې مرسته وکړي.

• کورنی تاوتریخوالی په اړیکو کې د چلند یوه بیلګه ده چې د ځواک ترلاسه کولو یا ساتلو لپاره کارول کیږي او په نږدې ملګري، مور او پلار یا ماشوم باندې د کنټرول لرلو لپاره کارول کېږي. په کورنۍ ناوړه ګټه اخیستنه کې کیدای شي فزیکي، جنسي، احساساتي، مالي، یا رواني ناوړه ګټه اخیستنه یا ګواښونه شامل وي.
• اجباري واده هغه واده ته ویل کیږي چې په هغه کې د جبر، درغلۍ یا ګواښ یو یا تر یو زیات عنصر شامل وي او د یوه یا دواړو کسانو له رضایت پرته ترسره کیږي. رضایت پدې معنی دی چې تاسې د خپلې ټاکل شوې میرمنې سره د واده کولو او د واده وخت سره خپله بشپړه، ازاده او باخبره موافقه کړې ده. اجباري واده ممکن هغه وخت رامنځ ته شي کله چې د کورنۍ غړي یا نور خلک له فزیکي یا احساساتي ناوړه ګټه اخیستنې، ګواښونو یا فریب څخه کار واخلي چې تاسې مجبور کړي چې ستاسې له رضایت پرته واده وکړئ. د اجباري ودونو په اړه د نورو معلوماتو لپاره، مهرباني وکړئ د اجباري واده ویب پاڼې ته مراجعه وکړئ.
• په انساني قاچاق کې د سوداګریز جنسي عمل یا جبري کار کولو لپاره د یو چا څخه ناوړه ګټه پورته کول شامل دي. په عمومي توګه، باید په دې استثمار کې زور، درغلي، یا جبر شامل وي چې د انسان قاچاق وګڼل شي. په هرصورت، که چیرې یو څوک د ۱۸ کلونو څخه کم عمره شخص سوداګریز جنسي عمل ترسره کولو ته وهڅوي، دا د انسان قاچاق ګڼل کیږي حتی که چیرې هیڅ زور، درغلۍ یا جبر په کې موجود نه وي.

که چېرته تاسې اجباري ودونه، کورنی تاوتریخوالی، انساني قاچاق، یا نوره ناوړه ګټه اخیستنه تجربه کړې وي، مهرباني وکړئ له لاندې سرچینو سره اړیکه ونیسئ ترڅو په خپله ژبه کې وړیا مرسته ترلاسه کړئ:

• د کورني تاوتریخوالی ملي هاټلاین: 800-799-7233, 800-787-3224 (TTY), www.ndvh.org
• د جنسي تیري، ناوړه ګټې اخیستنې او زور زیاتي ملي شبکه  (RAINN):  800-656-4673, www.rainn.org
• د ورکو شوو او استثمار شوو ماشومانو ملي مرکز: 800-843-5678, www.missingkids.com
• د جرم د قربانیانو ملي مرکز: 800-394-2255, 800-211-7996 (TTY), https://victimsofcrime.org
• د انساني قاچاق ملي هاټلاین: 888-373-7888, Text: 233733

تاسې د یوه افغان پېرولۍ په توګه چې امریکې ته د ننوتلو په وخت کې مو خپله د پېرول معلوماتي ورقه د ګمرکونو او سرحداتو محافظت ادارې (CBP) له چارواکو او یا د امریکا د یوه سفارت له قونسلي دفتر څخه مو پېرول شرایطو یوه اطلاعیه ترلاسه کړي وي، نو ستاسې پېرول د مهاجرت د روغتیایی معایناتو د یو لړ شرایطو پابند دې.

که تاسې متحده ایالاتو ته د ننوتلو د مخه دا طبي معاینات نه وي بشپړ کړي، او که تاسې په متحده ایالاتو کې دننه په دولتي کډوالو مرکز یا خوندي ځای کې د پاتې کیدو پرمهال خپل طبي معاینات بشپړ کړئ نه وي، تاسې مکلف یاست چې اړین روغتیایي معاینات او واکسینونه په بل ځای کې بشپړ کړئ. تاسې کولی شئ د روغتیا وزارت معلوماتی لارښود لینک له لارې د ناروغیو کنټرول او مخنیوي مرکز (CDC) ویب پاڼې څخه د دولتي، محلي او سیمه ایزو روغتیا ریاستونو لړلیک او همدارنګه د واکسین کولو سایټونه، ومومئ.

وروسته له دې چې تاسې دغه ازموینې او واکسینونه بشپړ کړه، تاسې ته په کارده چې د افغان پېرولی د واکسین تایید لینک له لارې تصدیق شوي اسناد واستوئ. هر یو پېرولي باید د تصدیق برخه بشپړ کړي.

که تاسې یو افغان یاست او امریکا ته راوړل شوي یاست، لاندې جدول ستاسې ځانګړې روغتیايي اړتیاوې تشریح کوي:

که چېرې په امريکا متحده ایالاتو کې یو افغان پېرولي ياست، پام مو وي چې ښايي ځينې کسان درڅخه شخصي معلومات وغواړي. زمونږ د "افغان اتباعو لپاره معلومات" انټرنيټي پاڼه کې د هغو چارو په باره کې معلومات شته چې د يو پېرولي په توګه يې بايد ترسره کړئ. کله چې يو برښناليک پرانېزئ او ګورئ، نو تل بايد لاندې ټکي په ياد ولرئ:

• د USCIS اداره عموماً د کډوالۍ ځانګړې ویزو، د کډوالۍ ويزو، غيرکډوالۍ ويزو او د کډوالۍ د نورو آسانتياوو برخه کې ستاسې د معلوماتو لپاره کوم برښناليک نه در استوئ.
• د متحده ایالاتو دولت د برښناليک پته عموماً په (.gov) سره پای ته رسېږي.
• که چېرې د نه خونديتوب له امله مو خپله فزيکي پته نه وي درج کړې، په دغه حالت کې ښايي د امريکا متحده ایالاتو د کډوالو او اتباعو د خدماتو دفتر انټرنيټي پاڼې uscis.gov څخه برښناليکونه ترلاسه کړئ. په مهربانۍ سره د لېږدونکي کس معلومات چک او وپلټئ چې دغه برښناليک په(.gov) سره پای موموي کنه.
• د USCIS اداره هيڅکله هم له تاسې نه غواړي چې يو کس ته پيسې واستوئ او يا مو لګښتونو له بل آدرس څخه ورکړئ. له هغه حساب پرته مو چې د امريکا متحده ایالاتو د تابعیت او کډوالۍ خدماتو دفتر انټرنيټي پاڼه myUSCIS کې يې لرئ، د ټيلفون او يا بریښنالیک له لارې د لګښتونو ورکړو په اړه د معمول جعلکاريو دغه انټرنيټي پاڼه مطالعه کړئ.

• د پېرولیانو لپاره په متحده ایالاتو کې د کار موندنې سرچینې
• د افغان متحدینو د ښه راغلاست عملیات (OAW)، د پېرول له لارې د پناه غوښتنې اړوند په مکرر ډول پوښتل شوي پوښتنې
• USCIS ته د بشردوستانه پېرول د غوښتنې په اړه د افغانانو لپاره معلومات
• د هغه افغان لپاره ګرین کارت چې د متحده ایالاتو د حکومت لخوا یا یې په استازیتوب استخدام شوی
• د کډوالو په اړه معلومات
• د پناه غوښتنې معلومات
• د DHS د افغان متحدینو د ښه راغلاست عملیات
• د HHS افغان مرستندویه سرچینې
• حقیقي پیژندنه اړوند مکررې پوښتل شوي پوښتنې
• د افغان ځانګړي مهاجرت ویزې لرونکو او پېرولیانو لپاره د کارموندنې معلومات: د INA د تبعیض ضد احکامو لاندېد افغان ځانګړي مهاجرینو ویزې لرونکو او پېرولیانو لپاره د خوندیتوب په اړه حقیقت پاڼه. په پښتو او دري ژبو هم شتون لري.
• د افغان کاري ځواک د ملاتړ لپاره چټک لارښود
• کډوالو او نورو وړ نوی وارد شوی کسانو ته د کرایې په اړه معلوماتو پاڼه (PDF)
• کډوالو او نورو وړ نوی وارد شوی کسانو ته د کرایې په اړه په مکرر ډول پوښتل شوي پوښتني  (PDF)

• د USCIS آنلاین اکاونټ څنګه جوړ کړو (دري او پښتو) (PDF, 218.37 KB)
• د یو افغان په توګه د پناه لپارهغوښتنه کول (PDF, 205.75 KB)
• د یو افغان په توګه د پناه لپاره غوښتنه کول (دری) (PDF, 301.37 KB)
• د یو افغان په توګه د پناه لپاره غوښتنه کول (پښتو) (PDF, 271.38 KB)
• د افغان اتباعو لپاره د درغلیو څخه ډډه وکړئ بروشور (PDF, 138.5 KB)
• د افغان اتباعو لپاره د درغلیو څخه ډډه وکړئ بروشور (دری) (PDF, 201.26 KB)
• د افغان اتباعو لپاره د درغلیو څخه ډډه وکړئ بروشور (پښتو) (PDF, 184.42 KB)
• متحده ایالاتو کې ميشتو په شرايطو برابر افغان اتباعو لپاره د کډوالۍ قانوني مسیرونه (PDF, 228.22 KB)
• متحده ایالاتو کې ميشتو په شرايطو برابر افغان اتباعو لپاره د کډوالۍ قانوني مسیرونه (دری) (PDF, 228.22 KB)
• متحده ایالاتو کې ميشتو په شرايطو برابر افغان اتباعو لپاره د کډوالۍ قانوني مسیرونه (پښتو) (PDF, 228.22 KB)
• OAW AR-11 د لاسرسي بروشور  (PDF, 103.24 KB)
• OAW AR-11 د لاسرسي بروشور (دری)  (PDF, 200.75 KB)
• OAW AR-11 د لاسرسي بروشور (پښتو)  (PDF, 201.2 KB)
• په متحده ایالاتو کې میشت پېرول لرونکو افغان اتباعو په اړه معلوماتی پاڼه (PDF, 146.7 KB)
• په متحده ایالاتو کې میشت پېرول لرونکو افغان اتباعو په اړه معلوماتی پاڼه (دری) (PDF, 318.02 KB)
• په متحده ایالاتو کې میشت پېرول لرونکو افغان اتباعو په اړه معلوماتی پاڼه (پښتو) (PDF, 313.87 KB)
• د افغان مهاجرینو لپاره د مهاجرت حقوقي خدمتونه (PDF, 279.92 KB)
• د افغان مهاجرینو لپاره د مهاجرت حقوقي خدمتونه (دری) (PDF, 277.53 KB)
• د افغان مهاجرینو لپاره د مهاجرت حقوقي خدمتونه (پشتو) (PDF, 287.88 KB)
• د پناه غوښتنې پروسې په اړه د آګاهۍلپاره ګټورې لارښوونې (PDF, 109.03 KB)
• د پناه غوښتنې پروسې په اړه د آګاهۍ لپاره ګټورې لارښوونې (دری) (PDF, 174.64 KB)
• په متحده ایالاتو کې د افغانانو لپاره د کارموندنې معلومات_د اګست په ۲۰۲۳ کې آپډیټ شوي (PDF)
• په متحده ایالاتو کې د افغانانو لپاره د کارموندنې معلومات_د اګست په ۲۰۲۳ کې آپډیټ شوي (PDF) (دری)
• په متحده ایالاتو کې د افغانانو لپاره د کارموندنې معلومات_د اګست په ۲۰۲۳ کې آپډیټ شوي (PDF) (پښتو)